شاركونا بآرائكم :)

هذا الموضوع حاطته وحده من الأخوات في احدى المنتديات وقلت بحطه لكم هنا وأشوف أرائكم في الموضوع وكنت مترددة احطه ولالا <<<استحي والله بس قررت وقلت خلاص حطيه يابنت ...

تقول الأخت

اقتباس :

السلااااااااااام عليكم ورحمة الله وبركاته

كيف حالكن ياحبيباتي ياأخواتي ...... أن شاء الله

بنات أبقى أناقشكم في موضوع كان يدور في بالي <<< وأستقر هنا

المهم يابنوتات أبغى منكن الصراحه يعني بلا مجامله وإلا
السالفه ومافيه يوم من الأيام تدق على صديقتي وتجلس تسولف ومن السوالف كانت
تقول: أنا زعلانه من أمي
أنا أقول لها :ليـــــــــه عسى خير
قالت : جاني رجل خاطبني
قلت : حلو وأيش اللي يزعل يابنت النااااااااس
قالت : الولد أقل مني مستواي التعليمي ويشتغل في ..... وراتبه مو قوي و عايلته من ... و..و...و...
قلت : لحظه لحظه لحظه وأخلاقه ودينه ...
قالت : قالت ماعلي من دينه خليه آخر شيء
قلت : من ترضون دينه وخلقه فزوجوه
قالت : يامن سألنا عن ناس ومدحوهم وفي الأخير يطلعون خرطي

الصرااااااااااااااااحه أنصدمت
الحين صاااااار الدين والأخلاق آآآخر الدرجات وأدنى المراتب


السؤاااااااااااال اللي يطرح نفسه ؟؟؟
1- هل لو جاء لك رجل والنعم فيه بس هو خريج ثانوي وأنتي خريجة جامعه توافقين ؟؟؟
2- هل الدين عندك أو عند أهلك آخر المراتب << يعني لو بغوا أهلك يسألون عن الرجل يسألون عن دينه آخر شيء؟؟؟
3- هل لو كان الرجل من قبيله غير قبيلتك راح ترفضينه ؟؟؟
4- لو أنتي عاجبك الرجال من حيث أخلاقه ومستقيم (ملتزم) وأهلك رفضوه لسبب آخر لمثل ليه بنت عمها تأخذ واحد أحسن منها أو لسبب آخر ... أنتي بمقدورك تقولين لا أنا موافقه ؟؟؟
5- لوكان راتب الرجال أقل من أربعة آلاف ريال ترفضينه ... لأن في نظرك ما تقدرين تعيشين على مرتب قليل وأنا متعوده بيت أهلي على أن طالباتي مجابه << الكماليات متوفره ؟؟؟؟

أتمنى الجواااااااااب بصرااااااااااااحه

اول شي وعليكم السلام ورحمه الله وبركاته

اميرة التميز طرح رائع
:::::::::::::::::::::::


1- هل لو جاء لك رجل والنعم فيه بس هو خريج ثانوي وأنتي خريجة جامعه توافقين ؟؟؟
اكيد بوافق يالغلا المؤهل الدراسي مواهم شي بالحياه وبعدين الدين طلب منا الدين والخلق
ماقال المستوى الدراسي ياما ناس عندها ابتدائي بس عقليتهم اكبر من الللي جامعين
2- هل الدين عندك أو عند أهلك آخر المراتب << يعني لو بغوا أهلك يسألون عن الرجل يسألون عن دينه آخر شيء؟؟؟
اكيد الدين عندي او عند اهلي اول المراتب لانه اذا صلح دين الرجل اتوقع حياته بتصلح ويكون رجل فاهم
3- هل لو كان الرجل من قبيله غير قبيلتك راح ترفضينه ؟؟؟
نو اقصد لالالالالالا بالعكس انا ايد انه الوحده تتزوج من غير قبيلتهاااا

4- لو أنتي عاجبك الرجال من حيث أخلاقه ومستقيم (ملتزم) وأهلك رفضوه لسبب آخر لمثل ليه بنت عمها تأخذ واحد أحسن منها أو لسبب آخر ... أنتي بمقدورك تقولين لا أنا موافقه ؟؟؟
لالالا حبيبتي انا ماراح ارضى باي شخص مايبونه اهلي لانه اعتقد خبرت الاهل
ومفهومهم للحياه اكثر من خبرتي واكيد اهم ماراح يختارون الا اللي يستحقني
5- لوكان راتب الرجال أقل من أربعة آلاف ريال ترفضينه ... لأن في نظرك ما تقدرين تعيشين على مرتب قليل وأنا متعوده بيت أهلي على أن طالباتي مجابه << الكماليات متوفره ؟؟؟؟

لالا عادي بالعكس الرجال مخابر مو مناظر يمكن المال القليل بركته كثيره

اهم شي السعاده والتفاهم والحب المتبادل

اول شي كل الشكر لج عالموضوع الرائع يا اموره
1- هل لو جاء لك رجل والنعم فيه بس هو خريج ثانوي وأنتي خريجة جامعه توافقين ؟؟؟

اذا والنعم اوافق ليه ما اوافق بس اذا مستواه اقل حيل يعني مو متعلم او للابتدائي

بصراحه لا الله يرزقه باحسن مني والله يرزقني باحسن منه
عسى الله يعطيني على قد نيتي
2- هل الدين عندك أو عند أهلك آخر المراتب << يعني لو بغوا أهلك يسألون عن الرجل يسألون عن دينه آخر شيء؟؟؟

لا الحمدلله الدين اول المراتب بس مطوع مابي استغفرالله مو ذم بالمطاوعه

محافظ ايه مطوع لا مع احترامي لكل المطاوعه عسى يرزقهم بنات الحلال
3- هل لو كان الرجل من قبيله غير قبيلتك راح ترفضينه ؟؟؟
لا ما ارفض بس في قبايل يستحيل اخذ منهم استغفرالله يمكن عند الله اتقى
مني بس ما اواافق لو تقدمو لي
4- لو أنتي عاجبك الرجال من حيث أخلاقه ومستقيم (ملتزم) وأهلك رفضوه لسبب آخر لمثل ليه بنت عمها تأخذ واحد أحسن منها أو لسبب آخر ... أنتي بمقدورك تقولين لا أنا موافقه ؟؟؟

اذا اهلي رفضوه لسبب تافه مو مقنع ابدا اكلم امي واقولها انا موافقه وامي بطريقتها

توصلهم

5- لوكان راتب الرجال أقل من أربعة آلاف ريال ترفضينه ... لأن في نظرك ما تقدرين تعيشين على مرتب قليل وأنا متعوده بيت أهلي على أن طالباتي مجابه << الكماليات متوفره ؟؟؟؟

بصراحه ارفض صج اهم شي التفاهم بس هم الحاله الماديه تهمني

لازم يكون مرتاح ماديا عشان ارتاح معاه والله مو عن طمع بس لازم

عقب عز ابوي اروح لعزه

استغفرالله لا الله يرزقني حافي منتف قولو امين الله يرزقني على نيتي يارب

ذكــرى

عيونك دنيتي

كل الشكر لكم

وفقتم لكل خير

جزيتم الفردوس الأعلى .

1- هل لو جاء لك رجل والنعم فيه بس هو خريج ثانوي وأنتي خريجة جامعه توافقين ؟؟؟

اوافق اذا وظيفته زينه يعني يقدر يتحمل يفتح بيت ..

2- هل الدين عندك أو عند أهلك آخر المراتب << يعني لو بغوا أهلك يسألون عن الرجل يسألون عن دينه آخر شيء؟؟؟

لا طبعا اول شي الدين .. بعدين الباقي ..

3- هل لو كان الرجل من قبيله غير قبيلتك راح ترفضينه ؟؟؟

مادري والله

4- لو أنتي عاجبك الرجال من حيث أخلاقه ومستقيم (ملتزم) وأهلك رفضوه لسبب آخر لمثل ليه بنت عمها تأخذ واحد أحسن منها أو لسبب آخر ... أنتي بمقدورك تقولين لا أنا موافقه ؟؟؟

حسب الرجل ..

5- لوكان راتب الرجال أقل من أربعة آلاف ريال ترفضينه ... لأن في نظرك ما تقدرين تعيشين على مرتب قليل وأنا متعوده بيت أهلي على أن طالباتي مجابه << الكماليات متوفره ؟؟؟؟

هذا عندنا بالكويتي معاشه اقل اقل من 320 دينار و هذا والله ما يتحمل بيت و عايله برفض ..