قـــهــــــر

موضوع: قـــهــــــر السبت سبتمبر 27, 2008 12:49 pm

(قهر)

تخيل تزرع الورده
وصافي الحب تسقيها
تراقبها وهي تكبر
تبي في يوم تقطفها
وتتمتع بصافيها
وتكتبلك رسالة شوق
وشوقك في معانيها
تغلفها مع الورده
ولاعز الناس تهديها
وتجي في يوم للورده
وتوصل ما تلاقيها
هنا توقف على أقدامك
ودمعاتك تعزيها
كانت وردة أحلامك
ولا ورده تساويها
ياليت تكون قدامك
لأنك صدق (راعيها)

=================

تخيل بين أصحابك
شخص مرتز في ثوبه
حاكيته عن أحوالك
وهويته لأجل أسلوبه
غلاه يجيبه لبابك
وطيبتك يدفعك صوبه
علاقه مالها آخر
(على الكتفين مكتوبه)

=================

تخيل لك رفيقه درب
حبيبه عايشه بروحك
هي حبك وهي نبضك
وهي الطب لجروحك
تحاكيها بكلماتك
في صمتك وفي بوحك
هي سبة شفا قلبك
وهي الاسباب في نوحك
وكلمات الامل فيها
ماتقوى لها شروحك
تجي في يوم تلقاها مع صاحبك مرتاحه
وورده حبك الاولى هديه هو لها أهداها
ويبدا في خيالاتك وهم وأفكار سواحه
تفكر كيف تجفاها أو انك كيف تنساها
هنا تبكي على نفسك
وتعرف انك الغلطان
محد يستاهلك مره
لا ورده ولا انسان
ترجع وتقول ان اللي حصل
شئ ماضي واندثر
وترضى تعيش بهالزمان
وحدك بعيد عن البشر
وترضى تعيش بهالكدر((لأن الوفاء شخص انتحر))
لاشك ان هذا هو

((القهر))

" الاداره" الدوله :

ايه والله هذا هو القهر

الله يبعدنا عنه وعسانا ما نشوفه

وحتى لو جربناه عساها ايام تنذكر ما تنعاد ...

يعطيج العافيه اموره

الله يبعدنا ويبعدج عن القهر

ياقلــــــــــــــــــــبــــــــــــــــــــــي

لاعدمنا طلتج المميزه

التي تطل علينا بكل ماهو مميز وجديد

تقبلي تحياتي

بنت الخليفي

عيونـ دنيتي ـك كتب:: ايه والله هذا هو القهر

الله يبعدنا عنه وعسانا ما نشوفه
امين
وحتى لو جربناه عساها ايام تنذكر ما تنعاد ...
ان شاء الله
يعطيج العافيه اموره

الله يعافيك

بنت الخليفي كتب:: الله يبعدنا ويبعدج عن القهر
آمين
ياقلــــــــــــــــــــبــــــــــــــــــــــي
يسلم قلبك
لاعدمنا طلتج المميزه
ولاعدمت تعقيبك على مواضيعي
التي تطل علينا بكل ماهو مميز وجديد

تقبلي تحياتي

بنت الخليفي

كل الشكر لهذا المرور الرائع